Avokado, baza ideale për maskën e flokëve gjatë dimrit

I ftohti vjen me disa pasoja nga pas, e të njejtën gjë thamë edhe për të nxhetin e sezonit të kaluar. Kjo, jo pa arsye, pasi si nxehtësia e tepërt, ashtu dhe acari që sjell dimri ndikojnë negativisht në aparencën tonë. Para pak ditësh folëm për lëkurën, ndërsa sot do të fokusohemi tek elementi i dytë më i rëndësishëm.

Flokët pësojnë humbje volumi, por edhe çrregullim të formës kur temperaturat ulen ndjeshëm. Lagështia që mbart me vete kjo stinë, na bën të dukemi të çrregullt për sa i përket flokëve. Një pamje e tillë nuk është më idealja për të dalë në një takim, apo aq më tepër përgjatë mbrëmjes së Krishtëlindjes.

Kështu, më shumë se kurrë nevojitet përdorimi i maskave natyrale. Ekspertët nuk i rekomandojnë sa duhet maskat e gatshme, pasi shprehin shqetësimin se kimikatet e gjendura në shampo e zbutës, e dëmtojnë flokun në një masë të konsiderueshme. Pra, të tjerë faktor të jashtëm janë thjeshtë të tepërt.

Baza perfekte e maskave për dimrin është avokado, edhe pse nuk është i vetmi përbërës për të krijuar masën e duhur. Ju nevojiten katër lugë gjelle majonezë, dy vezë dhe gjysmë avokadoje, për t’i dhënë volumin dhe shkëlqimin e duhur flokut tuaj. Përziejini përbërësit fillimisht në një mikser, e më pas përdorni një pirun për t’i dhënë masës formën e njëtrajtshme. Aplikojeni maskën nga rrënjët e deri tek fundet, e më pas mblidhini flokët në një kapuç dushi. Lëreni për 25 minuta dhe lajeni kokën normalisht me shampo. Kujdes: pas kësaj mos përdorni zbutës! Rezultatet do t’i shihni menjëherë…

No Comments Yet

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

logo-madam-mapo-png-e  mapo1   revista-mapo
¤