Dhuna seksuale, Weinstein dorëzohet këtë të premte në polici

Manjati i “Hollywood”-it, Harvey Weinstein pritet të dorëzohet këtë të premte në polici, për akuzat e dhunës seksuale që i shkatërruan karrierën.

Pas hetimit të autoriteteve policore, producenti i famshëm përballet me prangosjen, në vazhdën e pretendimeve që nuk përfshijnë vetëm ngacmimet, por edhe përdhunimin.

Weinstein vazhdon të këmbëngulë se nuk ka detyruar ndonjë femër për marrëdhënie intime. Kjo përbën herën e parë që ndaj tij formulohet një padi, që kur akuzat u shfaqën për herë të parë, duke nxitur që prej asaj kohe lëvizjen “#MeToo”.

Kjo lëvizje u shndërrua në zërin e grave që denoncojnë përhapjen e gjerë të ngacmimeve dhe abuzimit seksual. Figura të larta të botës së kinematografisë e kanë gjetur veten të ngërthyer në akuza të ngjashme.

Më i fundit prej tyre, Morgan Freeman kërkoi ndjesë të enjten për sjellje të pahijshme seksuale. Edhe pse ankesat ndaj Weinstein janë të shumta, ai do të përballet momentalisht vetëm me akuzat e ngritura nga aktorja Lucia Evans.

Nëntorin e vitit të kaluar, policia e Nju Jorkut njoftoi se po hetonte pretendimet e një tjetër aktoreje, Paz de la Huerta, që thoshte se ishte përdhunuar dy herë nga producenti i fuqishëm i parajsës së filmit.

No Comments Yet

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

logo-madam-mapo-png-e  mapo1   revista-mapo
¤